იტალიის ქალაქი კამპიონე დ'იტალია ისტორიული პერიპეტიების შედეგად აღმოჩნდა ანკლავის მდგომარეობაში შვეიცარიაში. და გეოგრაფიულ ადგილმდებარეობაზე მეტად ყველას აოცებს ეკონომიკის სტრუქტურით - ქალაქის მთელი შემოსავალი შემოაქვს მასში არსებულ კაზინოს.
Casino Campione D'Italia-მ კლიენტების ნაკადით  უზრუნველყოფის მიზნით ბრენდირება გაუკეთა 50 ტაქსის მანქანას უახლოეს მსხვილ ქალაქ კომოში და  მათში წაუგებელი რულეტი მოაწყო.

საოცარია, მაგრამ ფაქტია, რომ კაზინო კამპიონეში მუნიციპალიტეტის საკუთრებაა და ყველაზე დიდია ევროპაში. და მიუხედავად იმისა, რომ ასეთ ადგილებს სტუმრობენ არა ყველაზე ღარიბი ადამიანები, მათაც უყვართ ფულის თვლა და ეკონომია. უფრო სწორად, ფიქრობენ, რომ ეკონომიას აკეთებენ. Casino Campione D'Italia-ს ბრენდირებული ტაქსები სთავაზობენ რამდენიმე ევროს დაზოგვას, სათამაშო დაწესებულებაში უფრო მეტი სტუმრის მოსაზიდავად (ხოლო კომოდან ტაქსი 28 ევრო ღირს) მანქანები გადააკეთეს იმპროვიზებულ რულეტის მაგიდებად.

მგზავრებთან თამაშს ეწოდება «Play on the way» (თამაში გზაში). მანქანაში ჩაჯდომისას კლიენტები დებენ ფსონს, თუ რომელი სექტორი „ამოვა" ბორბალზე. თუ ჩასვლისას ბურთულა აღმოჩნდება არჩეულ ნომერზე, მგზავრები ღებულობენ უფასო ვახშამსა და ნებისმიერი შედეგის მიუხედავად კაზინოში უფასოდ შესვლას.

თვითონ Casino Campione D'Italia-ს ინფორმაციით, აღნიშნულმა ღონისძიებამ 14%-ით გაზარდა აზარტის ბუდეში კლიენტურის ნაკადი, ხოლო 9%-ით გაიზარდა იმათი რიცხვი, ვინც პირველად სტუმრობს კაზინოს.