ადამიანის ფანტაზიას ჭეშმარიტად არა აქვს საზღვარი განმასხვავებელი ნიშნების ძიებაში. ეს განსაკუთრებით იგრძნობა ისეთ დარგებში, სადაც პროდუქციაში ძლიერია ემოციური შემადგენელი, მაგალითად, პარფიუმერიაში. მაგალითად შეიძლება მოვიყვანოთ სუნამოების ახალი სერია Blood Concept, რომელიც შექმნილია სისხლის ჯგუფების წარმოშობის მოტივებზე.
დღეისათვის Blood Concept-ის ხაზში არსებობს ოთხი უნისექს-არომატი, ადამიანის სისხლის ოთხი ჯგუფის შესაბამისად, და დაკავშირებულია მათი წარმოშობის ერებთან.
«0» - ეს არის სისხლის ყველაზე ძველი ჯგუფი, რომელიც მაშინ წარმოიქმნა, როდესაც ადამიანი თავს ირჩენდა ნადირობით და ველურად მზარდი ნაყოფების შეგროვებით. ამიტომ, მისი არომატი ღრმაა, ძლიერი, „მოქსოვილია" კანისგან, კენკრისგან, ასკილისგან, არყის ხის ქერქისგან, კედრისგან.
«A» გაჩნდა, როდესაც ადამიანმა დაიწყო ერთ ადგილზე ცხოვრება და მიწათმოქმედების პროდუქციის ჭამა. ამ სუნამოს გააჩნია მწვანე ბაღის, ტომატის, ბაზილიკის, ანისის სურნელება.
«B» - ეს არის მომთაბარეთა მემკვიდრეობა, რომლებიც მუდმივად გადადიოდნენ ახალ ადგილებზე და იოლად იცვლიდნენ ზნეჩვეულებებს. შესაბამის არომატს გააჩნია ვაშლების, ტარხუნის პაჩულას, ბროწეულის და სურნელოვანი ხის სუნი.
«AB» - ეს არის ბოლო ტიპი, რომელიც მიღებულია სხეობების შეჯვარების შედეგად. ეს სუნამოები რაღაც ჯადოსნური ხერხით აფრქვევენ ალუმინისა და მინერალური დანალექების, ღორღიანი ქვიშის, წყლისა და კედრის სუნებს.
გარდა აღნიშნული შემადგენლებისა, თითოეულ არომატში არის ლითონის ჩანართებიც. როგორც აცხადებენ Blood Concept-ის შემქმნელები Giovanni Castelli და Antonio Zuddas, ასე იმიტომ არის გაკეთებული, რადგანაც თვითონ სისხლსაც აქცს ლითონის სუნი და გემო. ნიმუშის დასრულებისათვის, სუნამოების 40-მილილიტრიანი ფლაკონი ჩვეულებრივი სპრეისაგან განსხვავებით გაკთებულია პიპეტის ფორმაში.
