თუ მობილური ოპერატორების შეთავაზებებს გადავხედავთ, სამოგზაურო ინტერნეტ პაკეტების მრავალფეროვანი არჩევანი დაგვხვდება. ხელმისაწვდომია, როგორც სტანდარტული, ასევე ულიმიტო ინტერნეტ პაკეტები. ტარიფები რეგიონისა და დღეების რაოდენობის მიხედვით განსხვავდება. რომელია მათგან საუკეთესო არჩევანი იმ შემთხვევაში, თუ საზღვარგარეთ მხოლოდ რამდენიმე დღით აპირებ დარჩენას? დღეს ვეცდებით სწორედ ამ კითხვას ვუპასუხოთ და შენს საჭიროებებსა და პრეფერენციებზე მორგებული პაკეტის არჩევაში დაგეხმაროთ.
SIM და eSIM სამოგზაურო ინტერნეტ პაკეტები
სამოგზაურო ინტერნეტის შესაძენად ორი ალტერნატივა გაქვს. არჩევანი ფიზიკურ SIM ბარათსა და ელექტრონულ eSIM-ს შორის უნდა გააკეთო. ორივე მათგანი დანიშნულებით იდენტურია. eSIM ელექტრონული SIM-ია, რომლის გააქტიურებაც მობილური პარამეტრებიდან, სრულად დისტანციურად ხდება. ორივე შემთხვევაში, შეგიძლია ისარგებლო როგორც სტანდარტული, ასევე ულიმიტო პაკეტებით. ინტერნეტი ხელმისაწვდომია ცალკეული ქვეყნებისთვის, რეგიონებისთვის ან საერთაშორისო გამოყენებისთვის.
სტანდარტული და ულიმიტო ინტერნეტ პაკეტები
როგორც წესი მომხმარებლებს შეუძლიათ აირჩიონ 3, 7, 14, 15 ან 30-დღიანი პაკეტები, ან ულიმიტო ინტერნეტი. ულიმიტო ინტერნეტით სარგებლობის შემთხვევაში, თავადვე მონიშნავ დღეების რაოდენობას, იმის მიხედვით, თუ რა პერიოდი უნდა დაყო ქვეყნის ფარგლებს გარეთ და ღირებულებას შესაბამისად გადაიხდი. ტარიფები იცვლება ქვეყნის მიხედვით. შეადარე ერთმანეთს სხვადასხვა მობილური ოპერატორის ტარიფები და თავად განსაზღვრე, რომელი იქნება შენთვის ყველაზე მომგებიანი.
როგორ ავარჩიოთ ჩვენზე მორგებული ინტერნეტ პაკეტი
ინტერნეტ პაკეტის შერჩევისას რამდენიმე მნიშვნელოვანი ფაქტორი უნდა გაითვალისწინო. პირველ რიგში, შეთავაზებები ქვეყნისა და რეგიონის მიხედვით შეგიძლია გაცხრილო და მხოლოდ იმ ვარიანტებზე კონცენტრირდე, რომლებიც კონკრეტულად იმ ქვეყანას ერგება, სადაც მიემგზავრები. დაფიქრდი, ძირითადად რა დანიშნულებით გამოიყენებ ინტერნეტს. MB-ების რაოდენობაც შენი საჭიროებების მიხედვით შეიძინე. თუ მხოლოდ რამდენიმე დღით მიემგზავრები, შესაძლოა დაბალ-ფასიანი პაკეტიც გეყოს, ან სულაც ულიმიტო პაკეტი იყოს ყველაზე ოპტიმალური.
შეჯამება
სამოგზაურო ინტერნეტი შექმნილია იმისთვის, რომ მოგზაურობა უფრო კომფორტულ და ნაკლებად სტრესულ გამოცდილებად აქციოს. ამ მიზნით, შეგიძლია შენთვის ოპტიმალური ინტერნეტ პაკეტი შეარჩიო. მობილური ოპერატორები მრავალფეროვან არჩევანს გვთავაზობენ. თუ მოკლე შვებულებას იწყობ ან მივლინებაში მიდიხარ, შეგიძლია დღეების მიხედვით შეიძინო შენს საჭიროებებზე მორგებული როუმინგ პაკეტი ან ულიმიტო ინტერნეტი შეიძინო. იმედი გვაქვს, ჩვენი რჩევები საუკეთესო ვარიანტის პოვნაში დაგეხმარება.
ავტორი: mobinex.ge
